رغم ارتفاع الاسعار :المواطنون يقبلون على شراء حلاوة المولد

رغم ارتفاع اسعار الحلويات الا ان المواطنون اقبلوا على شراء حلاوة المولد مؤكدين انها عادة كل عام بينما تعالت شكاوى البعض من ارتفاع الاسعار معلنين عن مقاطعة الشراء هذا العام .

عماد على موظف قال إن: "ارتفاع أسعار حلويات المولد تعدى 50%، ومش عارف نلاقيها من فين ولا من فين كل حاجة غليت، زمان الكل كان بيشترى الحلاوة حتى الفقير لكن دلوقتى بالأسعار دى مش هنقدر نشترى حاجة، وعشان ولادي ممكن اشترى بالقطعة لأني مقدرش اشترى علبة كاملة".

وقف سيد حسن مواطن، أمام احد محلات بيع حلاوة المولد منتقدا أحد العاملين بسبب ارتفاع سعر البيع،

وأضاف"العلبة اللى كنت بشتريها بـ 35 جنيهًا السنة اللي فاتت، المحلات بتبيعها بـ70 جنيهاً، حرام والله ولادنا يشوفوا الحلاوة وإحنا منعرفش نشتريها، إحنا موظفين وبنقبض، طيب الغلبان يعيش إزاي بالأسعار دى".

 

منى سيد عاملة بمحل ملابس، توقفت أمام أحد المحلات وتجولت بعينيها على الأسعار وقبل أن تغادر المكان قالت: "الحكومة بترفع الأسعار والتاجر يعوض خسارته برفع الأسعار في الحال، وكل ده بيحصل والمواطن واقف بيتفرج وياريت فى الآخر فيه رقابة من الدولة على الأسعار، إحنا بقينا عايشين فى غابة الكل عاوز يسرق التانى".

قال محمود عبد الله صاحب محل حلويات:" حلاوة المولد كانت بالنسبة لنا احلى موسم لكن– الآن - بقت"خراب بيوت"، مضيفا: "إحنا بيوتنا هتتخرب خلاص، علينا ديون للتجار والبضاعة معروضة ومفيش زبون راضى يقرب".

 فيما قال البائع  احمد سيد  زمان كان ممكن الزبون يشترى 5 كيلو حلاوة لبيته ولأبنائه، حلاوة المولد اليوم أصبحت للفرجة فقط، والناس بتسأل على تمنها وتمشى بعدها من غير ما تشترى".