”قال يا مقال”
محمد إمام يكتب .. ”التريند وسنينه”
"التريند وسنينه .. من يوم ما عرفناك وأحنا في الضلام ماشيين" " من يوم ما شوفناك وأحنا تايهين وضايعين" رخصت الغالي وغليت الرخيص" قلبت الميزان سواق التوكتوك بقي فنان, البلطجي شبعان ودفيان ومليان, والعالم والطبيب والمهندس بقي غلبان وشقيان" مبقاش في حلم عند الصغير والكبير, كله بيجري وراك " نفسه يقابلك وبعمره يستناك" البنت تقلع وتتعري, وقليل الأدب سليط اللسان بقي قدوة’ راجل’ أسد, شيكا وبيكا, حنجرة وكزبرة, الألماني وعبده موته, أسلوب حياة, والبنات من غير حياء تتعري أكتر تتشهر أكتر, الراقصات وبنات الليل القدوة والمثل.
خايف عليك يا وطني من حرب شرسة قوية عفية تكسر ولادك وأحفادك, تحرق الأخضر واليابس, يموت الحلم في بكره, تخلي زويل ومحفوظ ومشرفة مجرد ذكري, المنسي ورفاعي وغيرهم كتير أبطال ضحوا بحياتهم في سبيل حياتك, خايف يضيع المعني الجميل للفن عبد الحليم وأم كلثوم ونجاة وشادية ووردة طلع مكانهم حنجرة وكزبرة وبيكا وشاكوش, كله بيحلم من غير تعب, يبقي غني عنده أسطول فيلل وعربيات وفلوس كتير من غير عدد", خايف عليكي يا مصر الوطن والأمل قلب العروبة, ستر وغطا, مأوي وسكن, لكل محتاج, مصر الحضارة والتاريخ, مصر اللي كانت وكانت وكانت, خايف يكون عنوانك بلطجي وعاهرة وحنجرة وكزبرة.
"عاهات التيك توك واليوتيوبر والتريند" طفت علي الساحة مؤخراً في غياب تام للأجهزة الرقابية, تلك الفيروسات والحروب الجديدة تدخل كل بيت وكل عقل تستهدف الأطفال والشباب, تستهدف حاضر الوطن ومستقبله, ذلك العري والفظاظة وإزدراء الأديان وسب الأنبياء والرسل, لا يقل خطراً عن الإرهاب والمخدرات, تحقق ملايين المشاهدات لأصحابها وبالتالي تحقق حلم الثراء السريع, ليتحول مع حلم الأطفال والشباب وتحيد بوصلته عن الطريق الصحيح وهو أنه العلم والعمل تحيا الأمم, وتنقلب موازينه رأساً علي عقب, يري فيهم ضالته المنشودة والمنقذ والملاذ من الفقر والبطالة, وان استمرت الأوضاع علي تلك الشاكلة "يبقي علي الدنيا السلام", أما آن الأوان أن نعود الي رشدنا, أن يعود للعلم والعلم والفنون والعلوم قدسيتهم المفقوده بفعل فاعل, حافظوا علي الأجيال القادمة قبل فوات الأوان, حافظوا علي مستقبلنا وحاضرنا, حافظوا علي مصر, والله من وراء القصد.
بقلم : محمد إمام
