”قـال يا مـقال”
محمد إمام يكتب .. ”بحبك يا مصر”
"بحبك يا مصر, بحبك يا بلدي كل وقت وكل عصر, بحبك وحبك جوه قلبي ألف قصر, بعشق ترابك, نيلك وهرمك, شمسك وقمرك, تاريخك حضارتك, طيبتك شجاعتك, جيشك وشعبك, بحبك يا بلدي, حب الصغير لقلب أمه, حب الأمان في حضن أبوه, مصر الحضارة والتاريخ قبل التاريخ بتاريخ, مصر القوية مصر العفية, مصر الأمان والسلام, مصر العروبة, مصر اللي واقفة وتد أمن وأمان للعرب, مصر مسافة السكة, صخرة في وش كل خاين وعميل وجبان, مصر خير أجناد الأرض, حماة الأرض والعرض, مصر اللي بتمد أيدها لكل محتاج وضعيف, بلدي اللي كانت وأصبحت وما زالت الحصن الحصين اللي حير وهيحير كل خاين كل طامع, مصر اللي بتبني وتعمر, تحمي وتدافع, تصون وتعافر علشان ولادها وأحفادها تعيش في أمان, في رباط إلي يوم الدين, أدخلوها آمنين, وطن يعيش فينا وليست وطن نعيش فيه, مهما أقول وأعيد مش هوفي حقك يا وطني يا أغلي الأوطان, بس مطمن عليك من جينات أولادك وأحفادك حافظين العهد شايلين دم شهدائك مكملين علي النهج, نصون عزك وأمجادك وتعيشي يا مصر".
"عارف أن أعداءك كتير والطامعين أكتر, بس متأكد أن أولادك رجال أبطال, جبال صامدة في مواجهة الصعاب, ثورات ومخططات تقسيم تحاك شمالاً وجنوباً شرقاً وغرباً, نزاعات وحروب علي الحدود ومشاكل المياه وسد النهضة الصهيوأثيوبي, وأطماع في ثروات وخيرات الدول, قنوات أهل الشر ودويلات تبحث عن دور علي الخريطة العالمية تنشر السموم وتبث الفتن, لك الله يا مصر, لك الله يا وطني, ولكن لا تخشي علي وطن له رجال, وحوش أبطال, منتشرين في كل زمان ومكان, علي الحدود وحوش القوات المسلحة تصون وتحمي المقدرات والمكتسبات, وفي الداخل رجال الشرطة المصرية تحمي وتصون الحقوق وتضبط إيقاع الحياة بالداخل وتساهم يداً بيد مع خير أجناد الأرض في حماية الأرض والعرض.
أطالب أبناء وطني بالوقوف خلف القيادة السياسية الحكيمة ورئيسها المحنك "اللي فاهم وعارف قيمة وحجم بلده, نخوض حرب وجود وبقاء, وعلينا جميعاً كمصريين شرفاء أن نتكاتف ونكون يداً واحدة أمام قوي الشر والكيانات والدول والأجهزة التي تريد هدم البلد الأقوى في المنطقة والقارة السمراء, نقف ونساند ونجاهد بالنفس والمال وكل غال ونفيس في سبيل الحفاظ علي الوطن الأم فلا يوجد في الحياة أغلي من نعمة الوطن.
بقلم : محمد إمام
